رَحْ حلّفَك بالغصن يا عصفور ،
بالورق ، بالفيْ ، بالنبعات ،
بلزيّح جناحك بريشة نور ،
بلمرجحك مع زرقة النسمات ،
وخلي الدني بلادك ،
وطرز عنقادك ،
من خضار الغار ،
عالياسمين .
وشرّبو بعتاب ،
ودوّبو بالغاب ،
شعار ، وتلاحين .
...
بتطير يا عصفور
عا كوخ من وزال ،
غويان ، ... سقفو زهور ،
مفروش بالعنبر ،
وحب الندي الاخضر ،
دني .. ظلال ظلال .
...
يالكلّك مودّي ،
شو قولتك بدي ،
بدي معك ودي
وقلك أنا وقلك ؟ :
الله يسهلك ...
...
بتقشع عريشي ، وباب
بفيتا مزوي
وحلوي حدّا كتاب ،
سلّم على الحلوي
...
وإنْ هديّتْ رياحك
بتمرمغ جناحك .
عالسطح ، عالحيطان ،
عتياب مدربي
عالبسط عالقمصان
عا كل شي تخزق
عالمقعد الازرق ،
عالقمر السكران
البيذكّرا فيّ
...
وان كان ما في شي ،
من حبنا باقي ،
بتسكّت الساقي ،
يا طير وبتمشي .
...
وبتغط ، تحملي
يا من هك التلي ،
يا من هداك الغاب ،
شي ذكر ... شي أشي !
...
ومن خرتشة ديها ،
ومن تحت اجريها ،
شي حبتين تراب .
ميشال طراد
١٨