... يا قلب حاج تنود ما عدّلك أمَل ،
بشفيك من علّي بتيرَ ميني بْعِلَل ،
جروحك كتيري وبالدّموع مسيّجا ،
وغصّات نوحك حايري بعتمة مَلَل ،
يا قلب ما عدلي بها الدني صديق ،
- يا رفيق عمري ، ما الي غيرك رفيق ،
ضلّك مْعي ، ولون تاللّني معك ،
يا قلب رَحْ نتهوّر بعرض الطريق ،
يا قلب يا جنينة نبات مْفرفحا ،
كل الارض عمتغمرك بجوانحا ،
بتهزهزك برموش حلم من الندي ،
كفتنا تبتهر دموع مْجرّحا ؟!
يا قلب حاج ترف ع شوار الغياب ،
كلاّ حياتك هيك تعتير وعذاب ،
مبارح كنت ضحكي على تم المروج ،
واليوم صحرا مُلفلفي بمشلح ضباب ،
يا قلب خفقاتك يا قلبي متشرفي ،
وشايفك نويان تترك هَا الدني ،
نكنّكْ مولّف روح تنولِف سوا
شوباك حاير يا قلب حيرتي ؟!
يا قلب سلّيني بعكفات الدروب ،
يَلا تندروش ليسبقنا الغروب ،
والدّني رياحات ، وسراجي نطفا ،
وما عدت رَحْ تدلق ياقلبي بها الطيوب ،
