بوسي
بوسي طريّي ترحلقت من شفتنا
ونسيتا
ونجمي بحرش الليل وحدا مشرّدي
إشعتا
ونسمي من حفافي الكروم مبوردي
لمتا
وعصفور ، شي مزوق بأجّي مزغردي
بيتّا
وزرعو البوسي بقرني محايدي
ليتّا
صقّرت النجمي وهيّ تسقيا
ونعست النسمي ودبلو غنانيا
وتخيّر العصفور شو بيعمل فيا
والليل غامرها بعبّو ملطّيا
شق الصبح والعطر ملوا جنينتا
والدني شمس معتقدي
وفرّخت من بوستا
وردي حمرا معشّش بقلبا الندي
صندل
لو عطوني كل مالك يا دني
بتعرفي في شو كنت بعملك خبار :
بعطي لبيّاعة ورد تجمع قمار
لا شافتا ، ولا حلمتا بموسم سني
تلات أربعا من الف فليّ وسوسني
تخبطن صندل لإجريها الصغار
صورا
يا مصوّر عرّيا عاليا سمين
ودنوق ضو الشمس فوقا وصوّرا
وحرق عاجرها المسك والناردين
وبروزا بشي كم نجمي وسمّرا
نم
ما أجملو ، ما أجملو ،
هالتم ، هالتم الحلو ،
شفّي نقوط الياسمين ،
وشفّي تلاويح السنين ،
ونحلاتنا المشيطنين
عنك وعنو بيسألو
١٢