لو فيّي لغمرلك ، لو فيّي
الدني بفرد غمرا
وفرفطها غنيّي غنيّي
عجريكي يا سمرا
بوعّي الزنابق عانغم رعيان
يرقصو بعيدك ،
يقيمو التلال ، يقيعدو نيسان
ويغفو على زنودك .
بفرّع الآس ، بخدّر النسمي
وبسوسح بجسمك
عراس ، وليالي مزغردي ، ونجمي
وبسكرهن باسمك .
وبنده لنجمة صبح مشاوحا
من طاقة الجني
تنصبلك من النور مرجوحا
طيري فيا وغني
والقمر هادا الخلف صنّين
متشاوف بحالو ،
بدلّو عليكي بسألو تخمين
عمتطلعي ببالو ؟
بخلّتي الكنار الجار شبّاكي
يغزلّك شريطا
شو لون خيطان... شو حياكي!
من الفجر مشموطا
بكدّسلك من الورد قفّورا ،
شي فتّح ، وشي زرار ،
من جهاز الصيف تنّورا
زنّار ، من نوار
